ඔබ මගේ ය..

ගතින් වෙන්ව සිතින් ලංව
මියෙනතුරා වුවත් ඉන්න
සැපෙන් තොරව දුකින් බරව
සසර පුරා වුවත් ඉන්න

වරකදි ඔබ විරහවක් ය
වරකදි ඔබ ආලයක් ය
වරකදි ඔබ කලු ගලක් ය
වරකදි ඔබ රත්තරන් ය

ලඟ සිටියත් ඔබ මගේ ය
දුර සිටියත් ඔබ මගේ ය
ඇති කලටත් ඔබ මගේ ය
නැති කලටත් ඔබ මගේ ය

ජීවිතය? විදීම : බලාහිදීම

කුණා‍ටුවකට නොසැලෙන රූක්ෂ ගසක් සේ වැඩුණු හිත
සුසුමට පවා සැලෙන පහන් සිලක් වූ දින
සිටියෙ කවුරුද තනියට නළවන්නට මෙ හිත
මුවමඩල නොවෙද ඔය මගෙ ලොව සනසන

සුළං ‍රැල්ල මෙන් නොහැකි වුනත් දැවටෙන්නට ලඟ
බඹරිඳු මෙන් නොහැකි උනත් කොඳුරන්නට මට
හිරු කිරනක් මෙන් ඉන්නට නොහැකි උනත් ලඟ
සිනහ  කැන්දගෙන  එන වග දනිමි  සඳ එන කල අහසට

මගේ සඳ ඔබ, සඳ වගේ ලඟ තරුද නිදියන ‍රැයක ඉන්නට
මගේ හිරු ඔබ, හිරු වගේ ලඟ උණුසුමක් වී සදා ඉන්නට
පෙරුම් පුරනා හීන ලඝු කොට සඟවගමු අපි හඳේ පත්ලක
හීනයක් වී ගිලිහුන අපේ ඒ ලොව එලිය වනතුරු යම් දිනක

ඉඩම..!

ඔය හිතේ එහෙට මෙහෙට දග කලාට
අයිති පුන්චි කොටසක් බව තෙරුනේ මට
ඔප්පුව බැලුවට පස්සෙ නොවෙ පස්සෙ කලකට

එ මායිමේ මේ මායිමේ හැපි හැපී
කල් ගෙව්වත් කදුලු මුතු පෙරි පෙරී
සින්නක්කර අයිතිය ඇත පන මෙනී

තද සුළං හැමුව ත්
නියං කල් හමුවූව ත්
ඉරි තලන්නෙ නැතේ හැම කල්