මදහස

හිතේ නැගෙන සුසුම් දැල්ල
දැනුනා නම් නුඹේ හිතට
සද එන්නෑ නුඹේ  ලොවට
තුරුළු කරන් තරු රෑනද

හෙලන කදුලු මගේ දෙනත
දු‍ටුවා නම් නුඹේ දෙනත
වැසි දෙවගන වඩින්නෙ නෑ
ගිනිබත් වූ නුඹෙ කතරට

පලදා ගත් සිනා ‍රැල්ල
පිදුව නිසා නුඹේ මුවට
මල් පිබිදෙයි  නුඹේ ලොවට
සැමදින නුඹ සරසන්නට..

    

ඉරණම වෙන්න ඇති..

සද එනතුරු පුංචි තරුවක් අහසෙ තනියම බලා ඉන්නව ඇති
කියන්නට ගොඩක් දේවල් අහන්නට ගොඩක් දේවල් හිතේ ඇති
කතා නොකරම තරුව සද දිහා බලා ඉන්නව ඇති
තරු රෑන එක්ක හිනැහිලා යන සද දැකල සුසුම් හෙලනව ඇති

රූස්ස ගහක පිපුනු පුංචි මල ගහට ගොඩක් ආදරේ ඇති
තද සුලගට එහෙට මෙහෙට විසිවෙලා මල මිලාන වෙනව ඇති

සිනිදු පෙති වල ආදරේ රූස්ස ගහ දන්නෙ නැතුව ඇති
මල මිලාන වෙන දිහා ගහ නිසොල්මන්ව බලා ඉන්නව ඇති

රළ සුමුදුව සිප ගන්න වෙරළ ආදරෙන් බලා ඉන්නව ඇති
සුමුදු වෙරළ කලතල රළ මුහුදට යන අපූරුව බලා ඉන්නව ඇති
‍රැල්ලෙන් සැගවිලා ඉන්න වෙරළ වෙර දරන්න ඇති
රළ පෙල සුනාමියක්ව විත් වෙරළ කදු පෙල වනසන්න ඇති

සද එක්ක පුංචි තරුවට තරහ වෙන්න බැරුව ඇති
රුක් ගොමු එක්ක තරහ වෙන්න මැලවුන මල් වලට බැරුව ඇති
රළ එක්ක තරහ වෙන්න සිනිදු වෙරලට බැරුව ඇති
නුඹේ වෙනස දරාගන්න මගේ හිතටත් බැරුව ඇති